DAL GAZZETTINO VESUVIANO - PREGHIERA CONTR"A MUNNEZZA

Aummaria chiena re grazie
Dacce na mana pe chistu strazio
Mena nu viento 'ncoppa 'a
muntagna
Scanza stu fieto che nce
accumpagna
Manna na lava ch'appila 'o fuosso
E nce sparagna nu guaio cchiù
gruosso
Sarvace a tutte sotto 'o mantiello
Tu ca si 'a mamma d''o
Bambeniello
Ca da lu fieto nuie stamme
murenno
È chi ce ha miso se ne sta
futtenno
Ciro, Gennaro, Giuseppe e Maria
Scanzate sti figlie d''e mmalatie
Stennite le braccia ncoppa sta
terra
Addo se more senza fa guerra
Addo se more cu male maligne
Addo schiattammo senza
sparagne
Addo 'e miereche nun pigliano
pere
E 'a malatia t'accire ogne sera
Addo int'e vene nce scorre
zuzzimma
E pe colpa lloro nuie sule
murimmo
Maronna bella facce sta grazia
Scanzace a tutte 'a chesta
disgrazia
Pruoiece 'a mana cu tennerezza
Tirace fora a dint' a schifezza
Stienne sti mmane e cu tutt''a
tustezza
zeffonna 'e ddiscariche chiene 'e
munnezza.